===============================
प्रवीण पडवेकर यांच्या प्रचारार्थ तुकुम येथील कॉर्नर सभा चांगलीच गाजली!
चंद्रपूर विधानसभा निर्वाचन क्षेत्राचे महाविकास आघाडीचे अधिकृत उमेदवार यांची प्रवीण पडवेकर यांच्या प्रचारार्थ 12 नोव्हेंबर रोजी संध्याकाळी कॉर्नर सभा घेण्यात आली ही सभा तुकुम येथील हनुमान मंदिर जवळ कार्यकर्ता/मतदार यांच्या उपस्थितीत कॉर्नर सभेचे आयोजन तुकुम येथील रवी भिसे यांच्या माध्यमातून करण्यात आले होते. 
या सभेकरिता चंद्रपूर विधानसभा निर्वाचन क्षेत्र महाविकास आघाडीचे उमेदवार प्रवीण पडवेकर काँग्रेस कमिटीचे माजी जिल्हाध्यक्ष विनायक बांगडे, नंदू नागरकर, महिला जिल्हा काँग्रेसच्या अध्यक्षा सुनंदा धोबे, महाराष्ट्र प्रदेश काँग्रेस कमिटी अल्पसंख्याक विभाग प्रदेश उपाध्यक्ष सय्यद रमजान अली, चंद्रपूर जिल्हा शहर काँग्रेस कमिटी अल्पसंख्याक विभाग चे अध्यक्ष मतीन कुरेशी,उमाकांत धांडे,अंबिका प्रसाद दवे, तूकूम येथील काँग्रेस नेता रवी भिसे सह अनेक मान्यवर मंचावर विराजमान होते. 
या कार्यक्रमाचे प्रास्ताविक उमाकांत धांडे यांनी केले. तर नंतर महाराष्ट्र प्रदेश काँग्रेस कमिटी अल्पसंख्यांक विभाग चे प्रदेश उपाध्यक्ष सय्यद रमजान अली यांनी सांगितले की काँग्रेस पक्ष हा सर्वधर्म समभाव याला मानणारा पक्ष आहे. ही लढाई जनशक्ती विरुद्ध धनशक्ती अशी असून काँग्रेस पक्षांनी एका सर्वसामान्य प्रमाणिक कार्यकर्त्याला ही उमेदवारी दिली असून या उमेदवाराला निवडून आणण्याची जबाबदारी तुमची आणि आमची आहे कारण की प्रवीण पडवेकर हे मागील तीस वर्षापासून राजकारणात सक्रियरित्या कार्य करीत आहे त्यांच्या या कार्याची पावती म्हणूनच त्यांना उमेदवारी दिली असे म्हटल्यास वावगे ठरणार नाही व विरोधकांनी आम्हाला प्रामाणिकतेचे धडे शिकवू नये एकीकडे लाडकी बहीण म्हणून पंधराशे रुपये देण्यात आले तर दुसरीकडे फार मोठ्या प्रमाणात महागाई वाढवून यांनी सर्वसामान्य माणसाचे कंबरडे मोडले असे आशयाचे मत त्यांनी मांडून काँग्रेस पक्षाचे उमेदवार प्रवीण पडवेकर यांना प्रचंड मतांनी निवडून द्यावे असे आवाहन देखील याप्रसंगी केले. काँग्रेस कमिटीचे माजी जिल्हाध्यक्ष नंदू नागरकर यांनीही आपले मत मांडत प्रवीण पडवेकर यांना विजयी करण्याचे आवाहन केले. काँग्रेस कमिटीचे माजी जिल्हाध्यक्ष विनायक बांगडे यांनी सुद्धा विरोधकांवर आरोपाचे भडीमार करत काँग्रेस पक्षाला विजयी करणे आता काळाची गरज असल्याचे सांगत प्रवीण पडवेकर यांना विजयी करण्याचे आवाहन केले.
चंद्रपूर विधानसभा निर्वाचन क्षेत्र महाविकास आघाडीचे उमेदवार प्रवीण पडवेकर यांनी सर्वांना हात जोडून मीच तुमचा भाऊ व मी तुमच्या मधला म्हणून आपण मला मतदान करून निवडून देणारच असा विश्वास व्यक्त करीत माझा विजय म्हणजे तुमचा विजय असे स्पष्टपणे सांगितले व सर्वांना पुनश्च मतदान करण्याची विनंती देखील केली.
या कॉर्नर सभेत विजय धोबे अनुताई दहेगावकर, अश्विनी पिंपळकर, काँग्रेस अल्पसंख्यांक विभागाचे शहर उपाध्यक्ष एजाज कुरेशी,काँग्रेस अल्पसंख्यांक विभागाचे महासचिव अब्दुल एजाज,रजिया बेगम सह मोठ्या संख्येने महिला व पुरुषांची उपस्थिती होती, हे मात्र विशेष! =============================== *”हँलो चांदा न्यूज “, करिता जिल्हा प्रतिनिधी, राजूरा ,व गढ़चांदूर, वरोरा तालुका प्रतिनिधींची नियुक्ती करणे आहे. इच्छुक प्रतिनिधीने संपर्क साधावा.* ============================== कार्यकारी संपादक :शशिकांत मोकाशे
*संपादक:- शशि ठक्कर, 9881277793, 9022199356*
*उपसंपादक:- विनोद येमलाल शर्मा, वरोरा। 9422168069*
