===============================
चंद्रपूर
हॅलो चांदा न्युज
चंद्रपूर.(का प्र) :- दरवर्षी ८ मे रोजी संपूर्ण जगभर जागतिक रेड क्रॉस दिन (World Red Cross Day) साजरा केला जातो. हा दिवस रेड क्रॉस चळवळीचे संस्थापक हेन्री ड्युनेट यांच्या जन्मदिनानिमित्त साजरा करण्यात येतो. आपत्तीमध्ये मदतीचा हात देणारी, माणुसकीची खरी ओळख जपणारी ही संस्था – रेड क्रॉस – ही आज जगातील सर्वात मोठ्या मानवतावादी संघटनांपैकी एक आहे. 
इंडियन रेड क्रॉस सोसायटीचा इतिहास:
भारतातील रेड क्रॉस चळवळीचा प्रारंभ १९२० साली झाला. इंडियन रेड क्रॉस सोसायटी (IRCS) ही भारतीय संसदेने १९२० मध्ये पारित केलेल्या “Indian Red Cross Society Act” अंतर्गत स्थापन करण्यात आली. भारताचे तात्कालिक गव्हर्नर जनरल हे या संस्थेचे पदसिद्ध अध्यक्ष असत. स्वातंत्र्यानंतर भारताचे राष्ट्रपती हे या संस्थेचे प्रमुख बनले.
IRCS चा उद्देश:
रेड क्रॉसचे मुख्य उद्दिष्ट आपत्ती व्यवस्थापन, आरोग्यसेवा, रक्तदान शिबिरे, प्रशिक्षण कार्यक्रम, आणि महामारीविरोधी उपाय अशा विविध क्षेत्रांत काम करणे हे आहे. युद्ध, पूर, भूकंप, दुष्काळ, दुर्घटना यांसारख्या संकटांमध्ये रेड क्रॉसचे स्वयंसेवक मदतीसाठी तत्पर असतात.
जागतिक पातळीवर योगद
रेड क्रॉस हे एक आंतरराष्ट्रीय पातळीवरील संघटन असून, याचे मुख्यालय स्वित्झर्लंडमधील जिनिव्हा येथे आहे. जागतिक रेड क्रॉस चळवळीची स्थापना १८६३ साली झाली. १९६३ साली हेन्री ड्युनेट यांना शांततेचा नोबेल पुरस्कार प्राप्त झाला.
इंडियन रेड क्रॉस सोसायटी ही भारताच्या विविध भागांमध्ये आपत्तीप्रसंगी मदतीसाठी धावून जाणारी, निःस्वार्थ सेवा करणारी संस्था आहे. माणुसकीचा सर्वोच्च आदर्श जपणाऱ्या रेड क्रॉस चळवळीच्या कार्याला सलाम करण्यासाठी ८ मे हा दिवस साजरा केला जातो.
इंडियन रेड क्रॉस सोसायटी चे राष्ट्रीय अध्यक्ष महामहीम राष्ट्रपती असतात तर राज्याचे अध्यक्ष महामहिम राज्यपाल असतात.
इंडियन रेड क्रॉस सोसायटी जिल्ह्याचे अध्यक्ष माननीय जिल्हाधिकारी असतात इंडियन रेड क्रॉस सोसायटी चंद्रपूरच्या माध्यमातून विविध समाजपयोगी विविध उपक्रमांचे नियोजन करण्यात येत असते त्यामध्ये रक्तदान शिबिर आयोजित करणे ज्येष्ठ नागरिकांसाठी नियमितब्लड शुगर व रक्तदाब मोजणे रोग निदान शिबिराचे आयोजन करणे कॅन्सर रोग निदानाचे आयोजन करणे तसेच विविध आपत्कालीन परिस्थितीमध्ये आवश्यक ती सुविधा माननीय जिल्हाधिकाऱ्यांच्या सूचनेप्रमाणे करीत असते
इंडियन रेड क्रॉस सोसायटी चंद्रपूरच्या माध्यमातून भारतीय जन औषधी परियोजनाच्या माध्यमातून ना नफा ना तोटा या तत्त्वावर मेडिकल स्टोअर देखील चालवण्यात येत असते.
येणाऱ्या काही दिवसांमध्ये चंद्रपूर जिल्ह्यातील आदिवासी बहुल जनतेसाठी सिकलसेल थलासिमिया व विविध हिमोग्लोबिनपॅथीचे रोग निदान करून औषधोपचार करण्यासाठी चा उपक्रम आयोजित करण्यात येणार आहे.
जागतिक रेड क्रॉस दिनाच्या सर्व नागरिकांना हार्दिक शुभेच्छा. ==================== *”हँलो चांदा न्यूज “, करिता जिल्हा प्रतिनिधी, राजूरा ,व गढ़चांदूर, वरोरा तालुका प्रतिनिधींची नियुक्ती करणे आहे. इच्छुक प्रतिनिधीने संपर्क साधावा.* ==================== *हॅलो चांदा न्यूज, मुख्य संपादक:-शशि,ठक्कर,9881277793,* *कार्यकारी संपादक:- शशिकांत मोकाशे,* *उपसंपादक:- विनोद शर्मा,9422168069*
*बातम्या व जाहिरात करिता संपर्क:*✍🏻
Gmail 📨⬆️⏬
shashithakkar2409@gmail.com
9022199356
