बुरकोनी (ता.हिंगणघाट जि. वर्धा) येथील ग्रामीण विद्यार्थ्यांच्या शैक्षणिक प्रगतीसाठी आधुनिक व सुसज्ज अभ्यासिका.
HELLO CHANDA NEWS
चंद्रपूर, (का. प्र.) – नाविन्यपूर्ण योजनेंतर्गत शासकीय जागेवर उभारण्यात आलेल्या अत्याधुनिक अभ्यासिकेचा लोकार्पण सोहळा शुक्रवार, दि. २३ जानेवारी २०२६ रोजी सायंकाळी ६.०० वाजता जिल्हा परिषद प्राथमिक शाळा, बुरकोनी (ता. हिंगणघाट, जि. वर्धा) येथे आयोजित करण्यात आला आहे. या अभ्यासिकेचे उद्घाटन राज्याचे माजी अर्थ, वने व सांस्कृतिक कार्य मंत्री आमदार श्री. सुधीर मुनगंटीवार यांच्या शुभहस्ते होणार आहे.
ग्रामीण भागातील विद्यार्थ्यांना स्पर्धा परीक्षा, उच्च शिक्षण आणि नियमित अभ्यासासाठी शांत, सुसज्ज व प्रेरणादायी वातावरण उपलब्ध व्हावे या उद्देशाने ७० लाख रुपयाची ही अभ्यासिका साकारण्यात आली आहे. आधुनिक सुविधा, अभ्यासासाठी पोषक रचना आणि विद्यार्थ्यांच्या गरजा लक्षात घेऊन उभारलेली ही अभ्यासिका शिक्षण क्षेत्रात मोलाची भर घालणारी ठरणार आहे.
कार्यक्रमाच्या अध्यक्षस्थानी राज्यमंत्री मा. ना. डॉ. पंकज भोयर उपस्थित राहणार आहेत.
या लोकार्पण सोहळ्यास प्रमुख पाहुणे म्हणून खासदार अमर काळे, हिंगणघाट विधानसभेचे आमदार समीर कुणावार, आर्वी विधानसभेचे आमदार सुमित वानखेडे, देवळी मतदार संघाचे आमदार राजेश बकाने, आमदार दादाराव केचे, आमदार सुधाकर अडबाले, आमदार अभिजित वंजारी, माजी खासदार रामदास तडस, माजी आमदार, जिल्हा परिषद व पंचायत समितीचे लोकप्रतिनिधी, विविध पदाधिकारी, प्रशासकीय अधिकारी तसेच ग्रामस्थ, विद्यार्थी व पालक तसेच शिक्षण, सामाजिक व सहकार क्षेत्रातील मान्यवर मोठ्या संख्येने उपस्थित राहणार आहेत.
शिक्षणाच्या माध्यमातून ग्रामीण भागाचा सर्वांगीण विकास साधण्याच्या दिशेने टाकलेले हे पाऊल निश्चितच दिशादर्शक ठरेल, असा विश्वास व्यक्त करण्यात येत असून या लोकार्पण सोहळ्यास नागरिकांनी आवर्जून उपस्थित राहावे, असे आवाहन बुरकोनी ग्रामस्थांच्या वतीने करण्यात आले आहे. 
*हॅलो चांदा न्यूज, मुख्य संपादक:-शशि,ठक्कर,9881277793,9860030082*
*कार्यकारी संपादक:- शशिकांत मोकाशे,* *उपसंपादक:- विनोद शर्मा,9422168069*
*बातम्या व जाहिरात करिता संपर्क:*✍🏻
*Gmail 📨⬆️⏬*
*shashithakkar2409@gmail.com*
*9860030082*
