वैद्यकीय क्षेत्रात निर्माण झाली पुन्हा एका सामाजिक संवेदनशील व्यक्तिमत्त्वाची पोकळी. सेवा, संवेदना आणि समर्पणाचा दीप विसावला – आ. किशोर जोरगेवार.

HELLO CHANDA NEWS

         चंद्रपूर,(का. प्र.) : चंद्रपूरातील सुप्रसिद्ध बालरोगतज्ज्ञ, संवेदनशील समाजसेवक व पर्यावरणप्रेमी डॉ. गोपाल मुंधडा यांच्या आकस्मिक निधनाने संपूर्ण चंद्रपूर जिल्हा हळहळला आहे. वैद्यकीय सेवेला सामाजिक बांधिलकीची जोड देत त्यांनी आयुष्यभर निःस्वार्थ भावनेने जनसेवा केली.

       डॉ. मुंधडा हे केवळ नामवंत बालरोगतज्ज्ञ नव्हते, तर दुर्गम व आदिवासी भागातील गोरगरीब जनतेसाठी आधारवड होते. मोफत वैद्यकीय शिबिरे, बालकांचे आरोग्य, महिलांचे आरोग्य, रक्तदान, नेत्रतपासणी अशा विविध उपक्रमांतून त्यांनी हजारो गरजूंना नवजीवन दिले.
४० वर्षा पासून माझे त्यांच्याशी कौटुंबिक संबध होते. अनेकदा माझी त्यांच्याशी भेट होत असे.

      त्या प्रत्येक भेटीत ते विविध विषयांवर अत्यंत आपुलकीने व दिलखुलास चर्चा करायचे. त्यांच्या बोलण्यातून केवळ ज्ञान नव्हे, तर समाजाबद्दलची खोल संवेदना आणि सामाजिक भान प्रकर्षाने जाणवत असे. गरिबांचे दुःख, बालकांचे आरोग्य, पर्यावरणाची काळजी याबाबत त्यांची तळमळ प्रत्येक संवादात स्पष्ट दिसायची.

              कुटुंबातील ज्येष्ठ सदस्य, समाजासाठी झटणारा, माणुसकी जपणारा सजग विचारवंत आज आपल्यातून हरपला आहे, ही जाणीव मनाला वेदना देणारी आहे.

               त्यांच्या जाण्याने सामाजिक आणि वैद्यकीय क्षेत्रात निर्माण झालेली पोकळी कधीही भरून न निघणारी आहे. समाजासाठी जगणारा एक दीपस्तंभ आपण गमावला आहे.

    ईश्वर त्यांच्या आत्म्यास शांती देवो आणि त्यांच्या कुटुंबीयांना व आप्तेष्टांना हे दुःख सहन करण्याचे बळ देवो, हीच प्रार्थना. 

*हॅलो चांदा न्यूज, मुख्य संपादक:-शशि,ठक्कर,9881277793,9860030082*

*कार्यकारी संपादक:- शशिकांत मोकाशे,* *उपसंपादक:- विनोद शर्मा,9422168069*

*बातम्या व जाहिरात करिता संपर्क:*✍🏻
*Gmail 📨⬆️⏬*
*shashithakkar2409@gmail.com*
*9860030082*