=================================
जनतेच्या हिताकरीता महत्वपूर्ण निर्णय होणार :- शिवसैनिक सुरज शाहा.
भद्रावती
हॅलो चांदा न्युज
भद्रावती.(का प्र) तालुक्यातील बाळासाहेब ठाकरे प्रवेशद्वार मुख्य चौकातील वाढत्या वाहतुकीच्या आणि अपघातांच्या समस्येच्या पार्श्वभूमीवर आज शिवसेनेचे जिल्हाप्रमुख नितीन भाऊ मत्ते यांच्या मार्गदर्शनात शिवसैनिक सुरज शहा व सुमित हस्तक यांनी आमदार करण देवतळे साहेब यांना निवेदन दिले आहे.
सदर चौकातून कोळसा कंपनीसह अनेक अवजड वाहने नियमितपणे ये-जा करतात. यामुळे वाहतुकीवर मोठा ताण येत असून अपघातांची संख्या दिवसेंदिवस वाढत आहे. याच पार्श्वभूमीवर या मुख्य चौकात ट्रॅफिक सिग्नल कार्यान्वित करण्यात यावा आणि ट्रॅफिक पोलिसांची नियमित नियुक्ती करण्यात यावी, अशी मागणी निवेदनातून करण्यात आली आहे.
या निवेदनावर आमदार करण देवतळे साहेब यांच्याशी सकारात्मक चर्चा झाली असून. त्यांनी सदर समस्येचे गांभीर्य लक्षात घेऊन लवकरात लवकर उपाययोजना करण्याचे आश्वासन दिले.
शहरातील नागरिकांच्या सुरक्षिततेसाठी हा निर्णय अत्यंत महत्त्वाचा ठरणार असून लवकरच यावर ठोस कार्यवाही होईल, असा विश्वास या बैठकीनंतर व्यक्त करण्यात आला. यावेळी शिवसैनिक सुरज भाऊ शाहा, शिवसैनिक सुमित हस्तक, उपतालुका प्रमुख सिंगलदीप पेंदाम, शिवसैनिक दीप गारघाटे व इतर कार्यकर्ते उपस्थित होते. ============================ *”हँलो चांदा न्यूज “, करिता जिल्हा प्रतिनिधी, राजूरा ,व गढ़चांदूर, वरोरा तालुका प्रतिनिधींची नियुक्ती करणे आहे. इच्छुक प्रतिनिधीने संपर्क साधावा.* ============================ *हॅलो चांदा न्यूज, मुख्य संपादक:-शशि,ठक्कर,9881277793,* *कार्यकारी संपादक:- शशिकांत मोकाशे,* *उपसंपादक:- विनोद शर्मा,9422168069*
*बातम्या व जाहिरात करिता संपर्क:*✍🏻
Gmail 📨⬆️⏬
shashithakkar2409@gmail.com
9022199356
