चंद्रपूर
हॅलो चांदा न्युज
चंद्रपूर(का.प्र.): चंद्रपूर जिल्हा कारागृहाच्या आतील परिसरात पुज्य हज़रत मखदुम शाहबुद्दीन शाह उर्फ गैबीशाह वली रह. अलैह यांचे समाधीस्थळी दरवषीप्रमाणे यावर्षी मोहर्रम सणानिमित्त 5 व 6 जुलै रोजी भाविकांना दर्शनासाठी खुला करण्यात येणार आहे.
या कारागृहात पुर्व प्रथेप्रमाणे उर्स (यात्रा) आयोजित करण्यात येत असल्याने समाधीच्या दर्शनाकरीता सर्व समाजातील भाविक दर्शनासाठी येत असतात. त्यामुळे सदर कालावधीत कारागृहाच्या आतील समाधीच्या दर्शनाकरीता प्रवेश देण्यात येणार आहे.
कारागृहाचे आत कोणत्याही भाविकाला मोबाईल फोन, कमेरा, खाद्यपदार्थ उदा. पेढे, बर्फी अथवा इतर खाद्यपदार्थ नेण्यास मनाई करण्यात आले आहे. तसे आढळल्यास प्रवेश नाकारण्यात येईल. नियमांचे अनुपालन करूनच समाधीस्थळी दर्शनाकरीता यावे व प्रशासनास सहकार्य करावे, असे आवाहन कारागृहाचे प्रभारी अधिक्षक सतिश सोनवणे यांनी कळविले आहे.
