🌟आजच्या कार्यक्रमाचा सुंदर प्रतिसाद 🌟

                            चंद्रपूर 

                     हॅलो चांदा न्युज

चंद्रपूर.(का प्र ) :- ज्युबिली हायस्कूल कुस्ती प्रशिक्षण केंद्र, चंद्रपूर
आज दिनांक १६ जून २०२५ रोजी, ज्युबिली हायस्कूल कुस्ती प्रशिक्षण केंद्र, चंद्रपूर आयोजित. निशुल्क उन्हाळी कुस्ती प्रशिक्षण शिबीर. अंतर्गत, विद्यार्थ्यांच्या भविष्याच्या दृष्टीने अत्यंत महत्त्वपूर्ण असा एक विशेष कार्यक्रम “तुमच्या भविष्याची वाट” मोठ्या उत्साहात पार पडला.
या कार्यक्रमाचे प्रमुख मार्गदर्शक म्हणून उपस्थित होते. मा. मुजावर अली सर, सायबर क्राईम एक्सपर्ट, चंद्रपूर पोलीस विभाग.  त्यांनी उपस्थित कुस्तीगीर विद्यार्थ्यांना, त्यांच्या पालकांना आणि सर्व उपस्थितांना सायबर गुन्हेगारीचे गांभीर्य, त्याची वाढती व्याप्ती, आणि त्यापासून सावध राहण्याचे उपाय याबाबत सविस्तर व प्रभावी माहिती दिली.
मुजावर सरांनी विशद केले की  आजकाल लहान मुले सुद्धा सहज सायबर गुन्ह्यात अडकतात, अनेकवेळा त्यांना न कळतच गुन्ह्याचा भाग बनवले जाते. ऑनलाइन गेमिंग, सोशल मीडिया, अनोळखी मेसेजेस यांच्या माध्यमातून त्यांना फसवले जाते. त्यासाठी गुन्हेगार मुलांना टार्गेट करतात, त्यांच्याशी मैत्री करून विश्वास संपादन करतात, आणि मग त्यांचा गैरफायदा घेतात.
त्यांनी पालकांना आवाहन केले की,
🔹 मोबाईलचा वापर नियंत्रित करा,
🔹 मुलांकडे लक्ष ठेवा – ते काय पाहतात, किती वेळ मोबाईल वापरतात हे जाणून घ्या,
🔹 संवाद वाढवा आणि विश्वासाचे नाते तयार करा.
🔹 ऑनलाईन शिक्षण आणि मनोरंजनाचे संतुलन राखा.
कार्यक्रमामध्ये उपस्थित मुलांनी व पालकांनीही विचारलेले प्रश्न आणि घेतलेली माहिती यामुळे एक नवा दृष्टिकोन निर्माण झाला.
कार्यक्रमाचे सूत्रसंचालन मनोहारी पद्धतीने करण्यात आले व उपस्थित सर्वांचे मन:पूर्वक स्वागत करण्यात आले. यानंतर शिबीराचे प्रशिक्षक व संयोजकांनी ज्युबिली हायस्कूल कुस्ती प्रशिक्षण केंद्राच्या सामाजिक बांधिलकीचे कौतुक करत कार्यक्रमाच्या यशस्वीतेबद्दल समाधान व्यक्त केले.
“तुमच्या भविष्याची वाट”.या कार्यक्रमाने उपस्थित सर्वांच्या मनात सायबर सुरक्षेबाबत जागरूकतेचा नवा विचार रुजवला.
💫 *हा उपक्रम निश्चितच भविष्यातील सुरक्षित पिढी घडविण्यास उपयुक्त ठरेल, अशी खात्री वाटते. 

*”हँलो चांदा न्यूज “, करिता जिल्हा प्रतिनिधी, राजूरा ,व गढ़चांदूर, वरोरा तालुका प्रतिनिधींची नियुक्ती करणे आहे. इच्छुक प्रतिनिधीने संपर्क साधावा.*

*हॅलो चांदा न्यूज, मुख्य संपादक:-शशि,ठक्कर,9881277793,* *कार्यकारी संपादक:- शशिकांत मोकाशे,*                      *उपसंपादक:- विनोद शर्मा,9422168069*
*सहसंपादक:- राजेश मेश्राम*
*बातम्या व जाहिरात करिता संपर्क:*✍🏻
Gmail 📨⬆️⏬
shashithakkar2409@gmail.com
9022199356