Home Breaking News स्थानिक गुन्हे शाखा, सावली पोलीस व अन्न सुरक्षा विभागाचे प्रतिबंधित तंबाखू निर्मिती...
HELLO CHANDA NEWS
चंद्रपूर,(का. प्र.) : स्थानिक गुन्हे शाखा चंद्रपूर आणि अन्न सुरक्षा विभागाची संयुक्त कामगिरी.
महाराष्ट्र शासनाने प्रतिबंधित केलेल्या सुगंधित तंबाखूचा अवैध साठा करून, मशीनच्या सहाय्याने बनावट (डुप्लिकेट) तंबाखूची निर्मिती व विक्री करणाऱ्या एका केंद्रावर स्थानिक गुन्हे शाखा (LCB) चंद्रपूर, सावली पोलीस आणि अन्न सुरक्षा विभागाने संयुक्त छापा टाकला. सावली तालुक्यातील मौजा रयतवारी येथे दिनांक ११ जून २०२६ रोजी केलेल्या या धडक कारवाईत एकूण ११ लाख ३१ हजार ४०० रुपयांचा मुद्देमाल जप्त करण्यात आला असून आरोपीविरुद्ध गुन्हा दाखल करण्यात आला आहे.
स्थानिक गुन्हे शाखा, चंद्रपूर यांना गोपनीय माहिती मिळाली होती की, मौजा रयतवारी (ता. सावली) येथे विजय भिमाजी भांडेकर (वय ३३ वर्षे, रा. सामदा बु.ता. सावली) हा बंदी असलेल्या सुगंधित तंबाखूचा साठा बाळगून आहे.
तसेच तो मशीनच्या सहाय्याने बनावट तंबाखू तयार करून त्याची बाजारात विक्री करत आहे.
या माहितीच्या आधारे स्थानिक गुन्हे शाखा, सावली पोलीस आणि अन्न सुरक्षा विभागाच्या संयुक्त पथकाने रयतवारी येथील संशयास्पद ठिकाणावर छापा टाकला.
जप्त करण्यात आलेला मुद्देमालः कारवाईदरम्यान पोलिसांनी घटनास्थळावरून खालील साहित्य जप्त केलेः
HOLA आणि EAGLE ब्रँडचा हुक्का शिशा तंबाखू
खुला सुगंधित तंबाखू
तंबाखू पॅकिंगसाठी लागणारे साहित्य
उत्पादन व पॅकिंगसाठी वापरण्यात येणारी यंत्रसामग्री (मशीन)
वाहन क्रमांक (MH-34-CJ-9625) एकूण जप्त माल अं. किंमतः १११,३१,४००/-
पोलिसांनी पकडलेल्या आरोपी विजय भांडेकर याची कसून चौकशी केली असता, त्याने हा सर्व कच्चा माल आणि साहित्य विनय गुप्ता (रा. गोकुळ नगर, गडचिरोली) याच्याकडून खरेदी केल्याची कबुली दिली.
जप्त साहित्यावरून आरोपी हा मोठ्या प्रमाणावर बनावट तंबाखूचे पॅकिंग आणि बेकायदेशीर विक्री करत असल्याचे निष्पन्न झाले आहे.
यावरुन प्रतिबंधात्मक आदेशांचे उल्लंघन करून मानवी आरोग्याला घातक ठरणाऱ्या सुगंधित तंबाखूचे उत्पादन, साठवणूक, वाहतूक आणि विक्री केल्याप्रकरणी आरोपींविरुद्ध अन्न सुरक्षा व मानके अधिनियम, २००६ तसेच भारतीय न्याय संहिता (BNS) अंतर्गत विविध कलमान्वये सावली पोलीस ठाण्यात गुन्हा दाखल करण्यात आला आहे. या प्रकरणाचा पुढील तपास सावली पोलीस करत आहेत.
सदरची कामगिरी पोलीस अधीक्षक आयुष नोपानी, अपर पोलीस अधीक्षक ईश्वर कातकडे, उपविभागीय पोलीस अधिकारी, मुल सत्यजित आमले यांचे मार्गदर्शनात पोलीस निरीक्षक अमोल काचोरे स्थानिक गुन्हे शाखा चंद्रपूर आणि पोलीस निरीक्षक प्रदीप पुल्लरवार पोस्टे सावली तसेच अन्न व अन्न सुरक्षा विभागाचे वरिष्ठ अधिकारी यांचे नेतृत्वात सदर धडक कारवाई स्थानिक गुन्हे शाखेचे सपोनि दीपक काँक्रेटवार, सपोनि बलराम झाडोकर, पोउपनि श्री विनोद भुरले, पोउपनि संतोष निंभोरकर, पोउपनि श्री सर्वेश बेलसरे, स. फौ. धनराज करकडे, पोहवा. गणेश भोयर, पोहवा. चेतन गज्जलवार, पोहवा.
संतोष येलपुलवार, पोहवा. जयसिंग, चापोहवा. दिनेश आराडे, पो. अं. सुमित बर्डे, पो.अं. प्रफुल गारघाटे, चापोअं. मिलिंद टेकाम, ऋषभ बारसिंगे तसेच अन्न सुरक्षा विभागाच्या अधिकारी व कर्मचाऱ्यांनी यशस्वीरित्या पार पाडली.
*हॅलो चांदा न्यूज, मुख्य संपादक:-शशि,ठक्कर,9881277793,9860030082*
*कार्यकारी संपादक:- शशिकांत मोकाशे,* *उपसंपादक:- विनोद शर्मा,9422168069*
*बातम्या व जाहिरात करिता संपर्क:*✍🏻
*Gmail 📨⬆️⏬*
*shashithakkar2409@gmail.com*
*9860030082*
